„Премиерот Виктор Орбан штотуку ни честиташе телефонски за нашата победа“.
Ваква порака објави лидерот на опозициската Тиса, Петер Маѓар, кој води убедливо по денешните парламентарни избори во Унгарија.
Според првичните податоци на Националната изборна канцеларија на Унгарија, Маѓар, не само што води туку може да освои и двотретинско мнозинство во 199 члениот парламент.
На обработени над 60 отсто од гласовите, партијата на Маѓар би имала 136 пратеници, додека Фидес на Орбан 56. Во парламентот се очекува да влезе и ултрадесничарската партија Наша татковина која би била единствената помала партија што ќе го надмине потребниот праг од 5% освоени гласови. За неа, засега се проектираат, седум пратенички мандати.
Петар Маѓар веќе се обрати преку социјалните мрежи со кратка порака: „Благодарам, Унгарија!“.
Поддржувачите веќе се насобрани во центарот на Будимпешта и слават.
Виктор Орбан е на власт во Унгарија 16 години.
ПОВЕЌЕ ВЕСТИ ЗА ИЗБОРИТЕ ВО УНГАРИЈА:
- Како се промени Унгарија под власта на Орбан?
- Унгарецот Петер Маѓар од инсајдер до главен предизвикувач на Орбан
- Историски избори во Унгарија што можат да го променат балансот во Европа
- Унгарците рушат рекорди во излезност на парламентарните избори
- (ВИДЕО) Орбан: Резултатот е болен
- Будимпешта: Од едната страна на Дунав солзи, од другата шампањ
