Секоја недела во ЕУ се открива претходно непозната дрога, а вкупниот број на следени дроги сега надминува 1.050, вклучувајќи ги и силните синтетички опијати, се наведува во најновиот извештај на Агенцијата на Европска унија за наркотици кој денеска беше презентиран во Брисел.
„Овој извештај се заснова на информации доставени до ЕУДА од земјите членки на ЕУ, земјата кандидат Турција и Норвешка, во рамки на годишниот процес на известување. Иако основната анализа се потпира на национално ниво на известување, таа е дополнета со наоди од проекти и мрежи кои соработуваат со ЕУДА, а кои генерално се претставени на градско ниво. Целта на овој извештај е да обезбеди преглед и резиме на европската ситуација со дроги до крајот на 2025 година. Сите групирања, агрегати и ознаки, затоа, ја одразуваат состојбата врз основа на достапните податоци во 2025 година, во однос на составот на Европската унија и земјите што учествуваат во процесите на известување на ЕУДА. Сепак, не сите податоци го опфаќаат целиот период. Поради времето потребно за собирање и доставување на податоците, многу од годишните национални сетови на податоци вклучени овде се од референтната година јануари–декември 2024“, се наведува во презентацијата на извештајот.
Нови дроги
Едно од најгорливите и најкомплексните прашања од овој сегмент, според извештајот, е постојаното генерирање нови видови наркотици.
„Пазарот на нови психоактивни супстанции се карактеризира со голем број супстанции кои се појавиле, при што секоја година се откриваат нови. На оваа страница можете да најдете преглед на состојбата со дроги во Европа во однос на новите психоактивни супстанции, поткрепен со информации од Системот за рано предупредување на ЕУ за заплени и супстанции откриени за првпат во Европа. Новите супстанции што се опфатени вклучуваат синтетички и полусинтетички канабиноиди, синтетички катинини, нови синтетички опиоиди и нитазени“, се наведува во извештајот.
Хероинот прв на листата на опоиди
Хероинот останува најчесто користениот нелегален опиоид во Европа и е одговорен за голем дел од здравствениот товар што се припишува на консумацијата на нелегални дроги. Сепак, проблемот со опиоидите во Европа постојано се развива на начини кои веројатно ќе имаат значајни импликации за тоа како ќе се справуваме со прашањата во оваа област. На оваа страница можете да ја најдете најновата анализа за состојбата со хероинот и другите опиоиди во Европа, вклучувајќи распространетост на употреба, побарувачка за третман, заплени, цена и чистота, штети и друго.
Пазарот на хероин во Европа е отпорен и не е засегнат од забраната на талибанците од 2022 година за одгледување афион во Авганистан. Но и Пакистан и Мјанмар одгледуваат афион. Минатата година во Пакистан афион се одгледувал на повеќе од 9.000 хектари, додека во Мјанмар лани достигнато е највисоко ниво во изминатите 10 години, афион се одгледувал на над 45.000 хектари.
Канабис, кокаин…
„Кокаинот е, по канабисот, втората најчесто користена нелегална дрога во Европа, иако нивото на распространетост и моделите на употреба значително се разликуваат меѓу земјите. Извештајот од Агенцијата за наркотиви на ЕУ содржи и анализа за состојбата со кокаинот во Европа, вклучувајќи распространетост на употреба, побарувачка за третман, заплени, цена и чистота, штети…
Во извештајот се посочува околу 4,3 милиони европејци на возраст од 15 до 64 години користат кокаин. Употребата на кетамин е на ниско ниво во ЕУ, но изминатите години за четирипати е зголемен бројот на лица кои побарале помош за лекување на зависноста.
Измината година е регистрирано дека 24,9 милиони европејци на возраст од 15 до 64 години употребувале марихуана. Агенцијата предупредува дека постои ризик снабдувањето со дрога да се прошири преку продажбата на електронски цигари.
