Од вечерва на полноќ, бензините поскапуваат за 3 денари, дизелот поскапува за 4.5 денари. Согласно методологијата која Регулаторната комисија за енергетика (РКЕ) ја користи за пресметка на цените на горивата, малопродажните цени на бензините и дизелот се зголемуваат во просек за 4.55%.
Цените на бензините се зголемуваат за 3.00 денари за литар, односно еден литар ЕУРОСУПЕР-95 ќе чини 93 денари, додека еден литар ЕУРОСУПЕР-98 ќе чини 95 денари.
Позначително е зголемувањето на цената на дизелот, кој од вечерва на полноќ ќе биде поскап за 4.50 денари и еден литар ЕУРОДИЗЕЛ ќе чини 98.5 денари.
Падна цената на нафтата на берзите
Како резултат на смирувањето на тензиите и нападите меѓу САД и Иран, цените на нафтата паднаа за 4% утрово. Фјучерсите за суровата нафта Брент паднаа за 3,96 долари, или 4,1%, на 92,82 долари, откако накратко се лизнаа под клучното ниво на поддршка од 90 долари претходно во текот на сесијата.
Американската интермедијарна сурова нафта од Западен Тексас беше на 85,29 долари за барел, што е намалување од 4,02 долари, или 4,5%. И двата договори се тргуваат на најниско ниво за речиси една недела, откако пораснаа во последните три недели.
