Откако напад со дрон тешко го оштети клучниот нафтовод за извоз во Саудиска Арабија, оваа земја откажа дел од испораките на нафта за Европа.
Европските рафинерии бараат замена во Северното Море и САД.
Нарушувањата особено го погодуваат пазарот на дизел, кој е на рекордно високи нивоа на цените, бидејќи под притисок се сите главни извозни правци: во Ормускиот Теснец е погоден уште еден танкер, нафтоводот е оштетен, а поминувањето низ Баб ел-Мандеб го загрозува ескалирањето на конфликтот меѓу хутите и саудиската коалиција.
„Овде е присутна и подлабока димензија на приказната, бидејќи тука е Иран, кој сега го затвора Ормускиот Теснец, рече аналитичарот и експерт за Јемен, Ахмед Наги.
Тој додава дека иранските клучни сојузници, хутите, ја контролираат областа близу Баб ел-Мандеб и можат да го затворат, што е голема предност за Иранците.
