Сашо Клекоски е именуван за генерален директор на Фондот за здравствено осигурување(ФЗОМ) со мандат од четири години, откако досега ја вршеше функцијата в.д. директор (вршител на должност).
Одлуката е донесена на вчерашната седница на Владата.
За заменик-директор е именуван и Седат Бислими, кој беше кандидат на коалицијата Вреди за градоначалник на Студеничани на локалните избори во 2025 година.
Претходно, вршител на должност заменик – директор беше Бранко Аџигогов, вработен во ФЗОМ.
Фондот за здравсствено осигурување е институција со најголем буџет во државата, кој лани изнесуваше околу 836 милиони евра. Меѓу другите надлежности, Фондот ги регулира здравственото осигурување на граѓаните, примарната здравствена заштита, болничката заштита и набавката на лековите.
