Директорот на Инфективната клиника во Скопје, Фадил Цана, соопшти дека 66- годишен кумановец, кој бил со коморбидитети, е последниот смртен случај со западнонилска треска.
Тој додаде дека пациентот веќе 28 дена бил хоспитализиран на оваа клиника со потешка клиничка слика.
Директорот информира дека досега биле хоспитализирани 66 пациенти, а во моментов 11 се наоѓаат на Инфективна, од кои едно лице е со потешка клиничка слика.
Станува збор за деветто лице кое му подлегна на вирусот на западнонилска треска во државава.
