Авион на „Ер Србија“ на летот кон Москва бил вратен во Белград доцна синоќа поради дополнителни безбедносни проверки на еден патник, соопшти српскиот национален авиопревозник.
Од „Ер Србија“ соопштија дека постапиле согласно упатствата на надлежните институции и важечките процедури, откако добиле информација за потребата од дополнителни безбедносни проверки.
Апликацијата Flightradar24 покажала дека авионот се свртел назад приближно на половина од патот до Москва и безбедно слетал во Белград. Летот JU134 на „Ер Србија“ во еден момент бил најследен лет во светот, објави Flightradar24.
„Нова.рс“ пренесува неофицијални информации дека станува збор за Александар Вулин, поранешен министер во повеќе ресори и директор на Безбедносно-информативната агенција (БИА), кој важи за сојузник на неодамна соборениот Александар Вучиќ.
Српскиот медиум пишува дека Вулин се качил во авионот без да ја помине безбедносната проверка и дека некој му помогнал во тоа.
Претходно, претседателот на Демократската партија, Срѓан Миливојевиќ, на социјалната мрежа Икс го поставил прашањето:
„И кој тоа вечерва со летот во 18:30 часот бега за Москва?“
