По постигнатиот договор за смирување на конфликтот на Блискиот Исток, цената на суровата нафта од типот Брент денеска има пад за околу 15%, при што цената за барел се спушти на 94 долари. Ова претставува значително поевтинување во споредба со претходните 120 долари за барел. Сепак, цената на нафтата Брент останува за околу 30% повисока во однос на периодот пред избувнувањето на воениот конфликт, кој започна на 28 февруари. На динамиката на цените на нафтата влијаеше и затворањето на Ормускиот Теснец, што доведе до сериозни пречки во снабдувањето со нафта од регионот на Блискиот Исток.
Кај нас има само мали корекции на цените од завчера, кога Регулаторната комисија за енергетика објави дека максималната малопродажна цена на дизел горивата од полноќ на 7 април се зголемува за 2,5 до 3 денари за литар, а цената на бензинот ЕУРОСУПЕР БС-95 се намалува за половина денар. Со одлуката се врши зголемување на малопродажните цени на нафтените деривати во просек за 1,41 отсто. Дизелот поскапе и од 7 април чини 98 денари за литар. Цената на бензинот ЕУРОСУПЕР БС-95 изнесува 83,5 денари за литар, додека цената на ЕУРОСУПЕР БС-98 останува непроменета и изнесува 85,5 денари за литар.
