Висок функционер на алијансата во Брисел изјави дека само во минатата година се регистрирани повеќе од 200 руски хибридни напади, додавајќи дека рутинските „секојдневни“ сајбер напади не се вклучени во оваа бројка.
Самото седиште на НАТО се соочува со илјадници сајбер напади секој месец, рече тој.
Осврнувајќи се на случајот со дронот полн со експлозив што беше пронајден на аеродромот Лајпциг/Хале во Германија, функционерот рече дека видот на откриениот експлозив во дронот сугерира дека руската разузнавачка служба била директно вклучена.
НАТО, како и германската Влада, го смета инцидентот за хибриден напад иако експлозивната направа не детонирала.
Алијансата оценува дека Русија се обидува да ја поткопа политичката и практичната поддршка за Украина и да се подготви за можна натамошна ескалација, а тоа вклучува извидување на критичната инфраструктура и логистичките синџири, како и претходно позиционирање на малициозен софтвер во важните индустриски контролни системи.
НАТО е особено загрижен за променливата природа на нападите, рече функционерот, објаснувајќи дека „бројките се зголемени, сериозноста е зголемена, апетитот за ризик е зголемен“.
