Американскиот министер за финансии, Скот Бесент, информираше дека по повод 250-годишнината од независноста на САД во оптек се појавиле нови банкноти од 100 долари со потпис на Доналд Трамп, што предизвика дебата за нивната автентичност и историско значење.
Бесент соопшти дека по повод одбележувањето на 250-годишнината од независноста на САД, во оптек се пуштени банкноти од американскиот долар со потпис на претседателот Доналд Трамп. Бесент ја потврди информацијата преку објава на платформата X, споделувајќи фотографија од новата банкнота од 100 долари на која се гледа потписот на Трамп.
„Нема подобар начин да се одбележат историските достигнувања на нашата голема земја и претседателот Доналд Џ. Трамп од американски банкноти со негов потпис, и сосема е соодветно ова историско издание да се појави по повод 250-годишнината“, напиша Бесент.
Сепак, како што наведува Bloomberg, американските банкноти традиционално ги носат потписите на министерот за финансии и државниот благајник, а не на претседателот на државата, што отвори прашања околу веродостојноста и формата на оваа промена. Во меѓувреме, администрацијата во Вашингтон и понатаму привлекува внимание со одлуки поврзани со институции и именувања, вклучително и преименувања на културни и јавни објекти.
