Пред зградата на бугарската влада во Софија вчера беа одржани мирни протести, на кои демонстранти бараа оставка од претседателката на државата Илијана Јотова и од премиерот Румен Радев.
Во областа имало силно полициско присуство, јави БТА.
Според демонстрантите, претседателката Јотова и премиерот Радев не успеваат да се справат со ситуацијата што настана откако бродови беа погодени и потонати од беспилотни летала во бугарската економска поморска зона.
Тие сметаат дека цела Европа знае оти ова се руски напади, „но само нашиот претседател и влада се преправаат дека не знаат“.
Собраните скандираа „Оставка“, „Предавници“ и „Затвор“.
Претходно, претседателката Јотова за бугарски медиуми изјави дека доколку нападите во Црното Море продолжат на ист начин, бродовите нема да сообраќаат.
„Покрај товарот што е во опасност, имаме и потонати бродови. Не можеме да си дозволиме толку евтино да трошиме човечки животи“, нагласи Јотова.
