Американски специјалец вклучен во апсењето на венецуелскиот претседател Николас Мадуро беше уапсен на 23 април поради наводно обложување за исходот од таа операција, при што „заработил“ профит од 400.000 долари, јавува американскиот медиум Си-ен-ен.
Огромниот обрт го привлече вниманието на органите за спроведување на законот речиси веднаш.
„Обложувачот“ отворил сметка кон крајот на декември на „Полимаркетз“, еден од најпознатите пазари за обложување на која ставил околу 32.000 долари дека Мадуро ќе биде „отсутен“ до јануари. Облогот во тоа време бил малку веројатен.
Кратко откако беше поставен овој облог на маркетот, американската војска започна тајна операција во која Мадуро беше екстрадиран од претседателската палата во Каракас во апсење преку ноќ, додека беше под силен оган. Мадуро беше транспортиран во Њујорк за да се соочи со федерални обвиненија поврзани со трговија со дрога. Тој се изјасни за невин.
