Од утре бензинот ЕУРОСУПЕР БС-95 ќе се продава по цена од 91 денар за литар, наместо досегашните 96 денари, а ЕУРОСУПЕР БС-98 поевтинува од 98 на 93 денари, одлучи Регулаторната комисија за енергетика.
Дизелот останува со досегашната цена од 99 денари.
Цените на нафтата на светските пазари бележат пад во утринското тргување, при што се намалени вредностите и на двата главни репери – „Брент“ и американската сурова нафта WTI.
Нафтата „Брент“ со рок на испорака во јануари 2027 година се тргува по цена од 109,63 долари за барел, што претставува пад од 2,07 долари, односно 1,85 проценти. Во текот на тргувањето цената се движеше меѓу 109,25 и 110,98 долари.
Американската сурова нафта WTI, со рок на испорака во декември 2026 година, падна на 100,98 долари за барел. Тоа е намалување од 2,29 долари, односно 2,22 проценти. Највисоката регистрирана цена во текот на тргувањето изнесуваше 102,45 долари, додека најниската достигна 100,61 долар.
Намалување е забележано и кај другите енергенси. Лондонското гасно масло се тргува по 1.484,88 долари, со пад од 10,87 долари или 0,73 проценти.
Цената на природниот гас се намали за 1,02 проценти, на 3,019 долари, додека маслото за греење падна за 0,51 процент, на 4,7624 долари.
