Израелскиот премиер Бенјамин Нетанјаху изјави дека не е за превентивни напади врз Иран пред парламентарните избори во Израел на 27 октомври, но ги предупреди Техеран и неговите сојузници да не го напаѓаат Израел.
„За нас, тоа не е опција, ние не го разгледуваме тоа“, рече Нетанјаху во интервју за Израелското воено радио, кога беше прашан за можноста за превентивни напади и обвинувањата од неговите политички противници дека бара воена конфронтација пред изборите
„Дури и ако Иран истрела ракети кон нас, тие повторно ќе ме обвинат“, рече израелскиот премиер.
Нетанјаху ги повтори своите претходни предупредувања до Иран дека Израел ќе одговори жестоко ако биде нападнат.
Тој одби да образложи за можноста за превентивен напад по изборите или за неговите неодамнешни разговори со Вашингтон за Иран.
САД и Иран се во војна од 28 февруари, кога Вашингтон и Тел Авив го нападнаа Техеран, кој одговори со напади врз Израел и земјите од Заливот, потсетуваат британските медиуми.
Иран и Израел не размениле напади од јуни.
