Западните сојузници не смеат да попуштаат пред „руската закана“, изјави францускиот претседател Емануел Макрон, реагирајќи на серијата одлуки и изјави на американскиот претседател Доналд Трамп, вклучително и договорот за дизел-гориво и најавата за енергетско примирје, кои создаваат впечаток дека ѝ одат во прилог на Москва.
Макрон истакна дека во моментов нема никакви фактички причини за промена на досегашниот став кон војната во Украина.
„Фактите покажуваат дека Русите продолжиле да ја бомбардираат енергетската инфраструктура. Сите мора сериозно да ги сфатиме фактите. Русија продолжува да ги бомбардира и цивилите и инфраструктурата во Украина. Затоа, „да“ за барањето прекин на огнот кога станува збор за енергетиката, но „не“ и за попуштање пред руската закана“, порача Макрон.
Францускиот претседател реагираше откако Трамп соопшти дека стапува во сила енергетското примирје меѓу Русија и Украина.
По изјавата на Трамп, украинскиот претседател Володимир Зеленски ја информира претседателката на Европската комисија, Урсула фон дер Лајен, за серијата нови руски напади врз украинскиот енергетски сектор, регистрирани веднаш по најавата на американскиот претседател.
