Помошник-директор на Царинската управа е приведен под сомнение дека побарал поткуп за да го искористи своето реално влијание и да помогне во две постапки пред Царинската управа, соопшти Јавното обвинителство.
Соопштението на Обвинителството следува откако претходно Министерството за внатрешни работи соопшти дека помошник-директорот бил лишен од слобода, откако бил затекнат при примање претходно обележани парични средства во износ од 17.500 евра.
„Под раководство на јавен обвинител од ОЈО ГОКК, полициски службеници од Одделот за сузбивање на организиран и сериозен криминал при МВР го приведоа помошник директорот на Царинската управа кај кого се пронајдени обработени парични средства во износ од 17.500 евра. Според првичните сознанија парите биле побарани како поткуп со цел во две постапки пред Царинската управа да го употреби своето реално влијание и наводно да помогне“, пишува во соопштението од ЈОРСМ.
Детали за настанот се најавени во текот на утрешниот ден.
