Рускиот претседател Владимир Путин најави прекин на огнот во Украина за време на православниот Велигден и, како што соопшти Кремљ, очекува и украинската страна да го стори истото.
„Во врска со претстојниот празник православен Велигден, се прогласува прекин на огнот од 16:00 часот на 11 април до крајот на денот на 12 април“, се вели во соопштението на Кремљ.
Според тоа што го наведува руската страна, министерот за одбрана Андри Белоусов издал наредба до врховниот командант на Русија, началникот на Генералштабот Валериј Герасимов, „во овој период да ги запре воените дејствија во сите правци“.
„Војниците треба да бидат подготвени да ги елиминираат сите можни провокации од страна на непријателот, како и сите агресивни дејствија“, се додава во соопштението.
Засега, нема реакција од Украина на најавата од Москва. Меѓутоа, украинскиот претседател Володимир Зеленски повеќе од една недела предлага велигденско примирје и, посочувајќи на воздушните напади врз украинските градови, рече дека Москва на ваквите повици одговорила со лансирање беспилотни летала.
Според православниот календар, кој е доминантен и во Русија и во Украина, првиот ден од Велигден се одбележува на 12 април.
И минатиот Велигден, Путин еднострано прогласи 30-часовен прекин, но и руската и украинската страна обвинуваа за прекршување на примирјето од противникот.
Руската инвазија на Украина влезе во петта година. Започна на 24 февруари 2026 г.
