Во најновата војна на Блискиот Исток – Израел, САД и Иран употребија околу 30 различни типови оружје и муниција. САД ангажираа стелт бомбардери B-2 и ловци F-22 Raptor, Израел се потпираше на F-35I Adir и системите Iron Dome/David’s Sling, а Иран возвраќаше со балистички ракети Shahab и Sejjil, како и дронови Shahed-136.
AI системите се интегрирани во најголемиот дел од водењето на ракетите и беспилотните летала, што отвора глобални дебати за автономни оружја.
Да погледнеме одделно што користи или користеше секоја од трите главни инволвирани страни:
САД
B-2 Spirit – стелт бомбардери за удари врз ирански нуклеарни објекти.
F-22 Raptor и F-35 Lightning II – ловци од петта генерација за воздушна надмоќ и прецизни удари.
Tomahawk cruise missiles – крстосувачки ракети со долг дострел за стратешки цели.
MQ-9 Reaper drones – беспилотни летала за надзор и напади.
Patriot PAC-3 – систем за противракетна одбрана на бази во регионот, според Нејшанал секјурити журнал.
ИЗРАЕЛ
F-35I Adir – израелска верзија на F-35, користена за удари врз ирански цели.
F-16 Fighting Falcon – за тактички воздушни напади.
Iron Dome – пресретнување на краткодометни ракети и дронови.
David’s Sling – противракетен систем за среден дострел.
Arrow-3 – за пресретнување балистички ракети со долг дострел, според изјави на официјални лица дадени во релевантни локални и регионални медиуми, како и според специјализирани организации кои обработуваат тематика вооружување и воени стратегии.
ИРАН
Shahab-3 – балистички ракети со дострел до 2.000 км.
Sejjil – двостепени балистички ракети на цврсто гориво.
Fateh-110 – тактички ракети со краток дострел.
Shahed-136 – камиказе дронови користени за напади врз инфраструктура и бродови.
Mohajer-6 – вооружени дронови за надзор и напади.
Преку прокси групи (Хезболах, PMF) – лансираат ракети и беспилотни летала кон Израел, според новинарските извештаи на светките медиуми кои известуваат од терен.
Извор: Нејшанал секјурити журнал и анализи на локални медиуми
Фото: Дел од иранскиот ракетен арсенал (Фото: Unsplash – Moslem Daneshzadeh)
Графичка илустрација и инфографика – Емил Златков / AI
