Босна и Херцеговина вечерва од 21:00 часот се соочува со Швајцарија во исклучително важен натпревар од групната фаза на Светското првенство. Тоа го знаат и граѓаните на БиХ за што доказ е и атмосферата во главниот град Сараево.
Во пресрет на натпреварот се пеат песни на цел глас, а дополнително амбиентот го подгреа и присуството на светски познатиот комичар Басем Јусеф.
Египетско-американскиот комичар, кој е и телевизиски водител, како и поранешен кардиоторакален хирург, вечерва е во Сараево каде со фановите на фудбалот го следи вечерашниот натпревар.
Ова е втор натпревар на БиХ на мундијалот. Во првиот, ремизираше против Канада во Торонто, а нерешено со Катар одиграа и Швајцарците.
Ова е 32. Светско првенство. За првпат еден Мундијал се игра во три земји – САД, Канада и Мексико.
